影片
更多
2016-07-10
603 浏览
今日同男朋友去左行街街， 行下行下去左厚福街。 加上又到晚餐時間， 就决定在這食肆林立的街道找吃的。記得上次來呢度食過，食物質素不錯，就帶男友來試下。上次來是冬天，可以坐室外景觀更佳的地方食，氣氛呀情調好好，可惜上次是同妹妹來。今次同男友來，可惜是熱到抽筋的盛夏，還是留在室內嘆住冷氣食揾陣些。反正如果熱到個妝都溶曬，也沒舍情調可言吧！這裡食物以日式為主，又以串燒為主食，予人有種平價板居酒屋的感覺。食物選擇款式也不少，大路的豬牛雞等都有，想食海鮮也可以考慮燒蠔魷魚咁，蔬菜類也有如秋葵茄子等。而且收費公道，可以點得好暢快也不用太顧慮價錢。唔多喎酒的，可以好似我們咁叫番杯抹茶紅豆冰來消暑消暑，淡淡的抹茶味不會太誇張，和少少甜的紅豆一向是好搭檔，無得輸！紅豆煮得好腍，起曬沙。食物方面，我們點了吉列炸蠔來試下。個炸蠔好似一個爆炸中的爆炸品般，好有動感！😂見佢咁厚粉，以為會好像食粉餅般，誰知非常香脆！每一條好像海胆刺的都有薯片般鬆化的質感，而且咸香和蠔香融為一體，食落好大享受！ 而且 生蠔味道濃厚， 一咬開還有 juice 噴出嚟， 愛蠔人士不能錯過！ 就咁食已經好好食 ，點咗汁我覺得好似仲鹹咗少
記得上次來呢度食過，食物質素不錯，就帶男友來試下。
上次來是冬天，可以坐室外景觀更佳的地方食，氣氛呀情調好好，可惜上次是同妹妹來。今次同男友來，可惜是熱到抽筋的盛夏，還是留在室內嘆住冷氣食揾陣些。反正如果熱到個妝都溶曬，也沒舍情調可言吧！
這裡食物以日式為主，又以串燒為主食，予人有種平價板居酒屋的感覺。食物選擇款式也不少，大路的豬牛雞等都有，想食海鮮也可以考慮燒蠔魷魚咁，蔬菜類也有如秋葵茄子等。而且收費公道，可以點得好暢快也不用太顧慮價錢。
唔多喎酒的，可以好似我們咁叫番杯抹茶紅豆冰來消暑消暑，淡淡的抹茶味不會太誇張，和少少甜的紅豆一向是好搭檔，無得輸！紅豆煮得好腍，起曬沙。
食物方面，我們點了吉列炸蠔來試下。個炸蠔好似一個爆炸中的爆炸品般，好有動感！😂
見佢咁厚粉，以為會好像食粉餅般，誰知非常香脆！每一條好像海胆刺的都有薯片般鬆化的質感，而且咸香和蠔香融為一體，食落好大享受！ 而且 生蠔味道濃厚， 一咬開還有 juice 噴出嚟， 愛蠔人士不能錯過！ 就咁食已經好好食 ，點咗汁我覺得好似仲鹹咗少少添！
炸物方面我們還要了一個芝士蝦球， 其實就是 蝦肉包住芝士夾心餡， 芝士夾心餡 不算很流心， 就是有 軟軟淋淋的口感， 炸過嘅蝦肉 味道都ok不過好似韌咗少少。 整體感覺還可以嘅。
一口牛超正，真係要食！ 每一碟有兩串份量都可以啦， 一人一串唔使爭！ 牛肉應該都屬於幾高級那種， 因為肉質好嫩滑！ 但係又唔會好似和牛咁油淋淋， 而係肉味好濃郁嗰隻。 同埋個廚師燒得都幾好， 起碼唔會side左舊牛肉先， 你知啦，再好嘅牛，燒嗰個處理得唔好， 都係變咗食樹皮呀！ 店員還會窩心的提示，嗰個薯仔係愛嚟裝飾用，千祈唔好食😂
川燒茄子就係我嘅至愛嘞！ 話明川燒自然係辣辣哋㗎啦， 咁又唔算好辣嘅，係類似七味粉嗰個程度，咁有少少香有少少辣咁樣囉~ 最重要當然係茄子燒得 夠軟淋淋啦！ 最正嘅食法就係將茄子肉拉起成條嚟食！ 真係超爽超好味㗎！
鍾意食羊嘅話呢，燒羊架就真係一定唔可以錯過！ 是關 呢度啲燒羊架真係好正！ 咁正在咩呢？ 正在第一，會幫你斬件。 第二 ，斬件之後你會發覺斬咗好多舊出嚟。 第三，斬出嚟嗰個一件件嘅羊肉係會見到有網紋嘅燒到，夠火喉！
第四，個羊肉嘅味道好香，唔會係淨係得羶味嗰隻， 同時食到羊嘅肉質夠嫩口， 簡直有種入口即溶嘅感覺！ 我自己一個可以食曬一碟！ 不過我梗係唔會咁自私啦，係同男友開心share嘅！ 呢一刻，我覺得我真係好鍾意我男朋友，如果唔係唔會將咁好食嘅食物分畀佢食😂
雞肉腸水準keep到都係好好食！ 不過咁當然啦其實燒雞肉腸又唔係話需要好大技巧嘅~ 不過我就係鍾意佢一咬開個腸衣嘅時候，卜一聲個下好清脆！ 而且個腸衣又好好保護著 裡面嘅肉 ， 所以當咬開嘅時候呢會有啲肉汁噴出嚟㗎 ，而且除了有雞肉之外呢裏面仲有啲雞軟骨， 所以除左有肉嘅口感，仲有一啲爽脆嘅軟骨後感， 我覺得比台灣腸仲要好食！
最後仲要叫咗個鹽燒油甘魚鮫。 比平時食到嘅三文魚鮫大件好多， 而且唔會淨係得一片魚鰭， 真係將連住個頭嗰成片魚鮫都燒埋俾我食，難得。 魚價錢又唔貴喎， 咁大嚿魚鮫都係講緊78蚊，超抵！油甘魚都肉質呢我覺得呢比三文魚的肉質呢仲要嫩滑， 油甘魚嘅油分始終比三文魚嘅油分要多 ，所以就算係魚鮫位置呢，都有一定嘅油分，所以就算燒完之後，都保持到肉質是嫩滑的！ 加上個魚皮燒得好香脆， 令成件事都變得完美曬！
深宵食堂
尖沙咀厚福街12號藍馬商業大廈5樓
张贴
