丼瀛 (已搬遷) 新店位置

男友間中都會去觀塘工業區食飯，話樓上店有好多好野食，佢呢日就帶左我去食呢間日本野。呢間餐廳本身丼比較出名，但天氣開始涼，唔想食太多生冷野，就只係點左一個丼share，再加其他熱食，又估唔到佢啲燒物同炸物都做得幾出色。好彩黎得早，食到一半已經坐無虛席，證明呢度真係好旺場。松葉蟹肉海膽甜蝦丼 - $158新鮮野果然最快上菜，頭盤居然係呢個丼，賣相精美，刺身新鮮。流心芝士漢堡扒 - $48芝士creamy，所以唔係好做到絲效果，漢堡味無正常漢堡咁重，可能係比芝士蓋過左少少，若果點醬食又係另一番味道。金菇牛肉卷 - $28燒得好香，牛肉肉汁保留到，夾埋金菇好juicy。一口豚肉 - $28好厚肉，可能因為咁，有少少乾，加左檸檬汁就剛剛好，fresh得來又唔膩。野菜天婦羅 - $68呢個天婦羅炸得好好，脆醬鬆化，南瓜、冬菇，秋葵，紫蕃薯炸得唔乾，保留到原味道。豚肉泡菜鍋 - $118最後先上呢度菜，但發現已經好飽，豚肉好厚身，相對覺得有點膩，菜類都多，肯落料，泡菜湯唔鹹飲多兩碗都ok。呢度燒物做得咁好，呢個豚肉用來做燒物應該會更好食。