Gyutan Toku牛舌專門店

营业中

休息中

今日晏晝想食牛舌，去咗土瓜灣嘅Gyutan Toku 牛舌專門店，假日都係食定食，唔計其他汁煮嘅牛舌，有四個主要牛舌定食，分別係極尚牛舌、薄燒牛舌、熟成牛舌同埋汁燒牛舌，聽店員講，頭兩個係牛舌心，貴少少，但係較多肉汁而且肉質較腍，之後兩個係牛舌邊，平少少，肉質雖然冇咁腍，但係有咬口，而且有牛味啲，最後揀咗個係比較有咬口嘅熟成牛舌定食，另外再加多個紅酒汁煮牛舌定食，定食除咗有牛舌主食之外，仲有一碗白飯、沙律、泡菜、茶碗蒸同麵豉湯，泡菜尚可正正常常，麵豉湯味道濃又唔會太鹹，茶碗蒸足料不過略嫌蒸得耐咗少少，蛋有少少實，個沙律就差咗少少，沙律汁太少，好似淨係食緊生嘅菜，主菜牛舌係燒得啱啱好，粉嫩多汁，的確如店員所講，有咬口，亦都尚算腍，但係牛味未算濃，整體對得住佢嘅價錢，至於個紅酒汁煮牛舌定食，個汁係搶 fo 嘅，微酸好易入口，撈飯一流，汁煑嘅牛舌相信未必如燒牛舌嘅牛舌咁靚，但係一啲都唔差，相當腍，亦都好入味，紅酒汁完全入晒落牛舌度，只係牛味完全俾個汁掩蓋，但整體味道同口感都唔錯，兩個定食整體唔錯，當然未算頂級，但係都係嗰句，對得起個價錢，不過平日食會再抵啲，因為平日嘅套餐會再平啲。