東京チカラめし (已結業)

日本過江龍「燒牛丼元祖」第一間分店上年晌旺角開，開店初期不分日夜都係有一條長長既人龍所以真係未有勇氣排隊，今日襯放假就碰下運氣。可能係week day 又係過左時間所以都好快有位，夠lucky😽.餐廳位置都好闊落，有卡位都有吧台，坐得幾舒服。.每張枱都會有幾枝調味料俾你，我就加左七味粉。而辣醬，和風柚子汁可以點小食炸雞同餃子食。仲有一個溫馨提示俾你點樣食先食到最好既味道.Menu有好多唔同配搭，最後我選擇左野菜燒豚肉定食加泡菜! 定食有配沙律同味噌湯，份量好多，豚肉係佈滿成個鐵板，加埋椰菜同芽菜吸曬豚肉同醬汁，好好送飯😍真係不經不覺食曬一大碗飯。.價錢貼地，份量又多，難怪多fans! 又係一間可以一解思鄉之愁既餐廳🥰下次可以試下其他丼。