桻之燒 (已結業)

因為要探朋友，所以走咗去山旮旯嘅筲箕灣，真係好遠好遠好遠⋯⋯嗰度除咗安利魚蛋粉真係諗唔到食乜嘢，見到佢排晒長龍所以就諗住另覓對象！咁啱見到側邊有一間食串燒，格局有情調，人不太多，幾方便傾計！午餐其實選擇唔係好多，來到串燒店梗係食串燒啦！原來午餐都有串燒揀，幾好！幾好！朋友想食飯所以我哋分別叫咗招牌串燒拼盤，咖喱牛舌蛋包飯！由於真係即叫即整所以需時，如果想食速食午餐請勿來！串燒來到，好興奮！淨係賣相已經贏咗。不過份量比較細，其實真係麻麻哋飽番薯仔和豆腐一食就知道係日本食品！番薯很粉狀，非常甜！至於豆腐，是油豆腐的那一種，豆味濃，不是焦脆的那一種，吃得健康一點！至於蘆筍！真係比一百分💯，今次吃的是幼身，用牛油煎的，又爽又甜又香！如果可以多啲，真係可以食極都唔停！沙律都非常好食！係咪好似講留咗一樣野冇錯就係我最鍾意食嘅主角，代表作！煙肉荔枝卷真係前無古人！真係冇諗到可以咁樣配搭得天衣無縫！煙肉煎得非常焦脆，荔枝經過烤焗，變得又甜又多汁，一鹹一甜，一脆一軟！好正好正！好明顯呢個串燒拼唔夠我哋兩個人飽⋯⋯所以朋友嘅咖喱飯就啱啱好啦！蛋香，不老，厚身。牛舌非常腍，大大件，配上熱辣辣嘅日本咖喱汁，甜