影片
更多
2008-03-21
37 浏览
SimpleLifeBurn and Burn and Burn……繼續High Protein Diet，西餐係最好嘅選擇。上星期六，約左朋友去釣魚，七點鐘係大埔釣完魚，吹咗成日風，一條都釣唔度，同D班釣友賽後總結，敗北原因係鈎唔夠細，又要再買過D鈎，釣淡水魚始終我係初哥。有個釣友跟我車，不停話魚場老板收起D魚，不停話要轉場，我唯有安慰佢，突然女朋友打黎話係SimpleLife等緊位，叫我慢慢，應該有排等，點知唔夠兩分鐘，女朋友又打黎話有位，仲話限食一個鐘，叫我十分鍾內到，「吓？未上Freeway，仲係大埔市中心，仲要Drop-off個Friend喎。」女朋友話自己食先，當然為左唔激嬲，馬上踩盡油，闖!! 用左十五分鍾到達又一城，好彩Lift口有車位。飛到SimpleLife女友先啱啱食完Salad，個Salad幾新鮮，女友話Onion Soup好正，不過唔係French Onion Soup，所以冇興趣，最後叫左個Rib Eye Steak同蠬蝦湯，女友已經食緊個Sea Bass，幾大件，配菜都好靚，Presentation唔錯，初時食都覺得好正，個汁少少酸，幾好食，但係食食下就發
Burn and Burn and Burn……
繼續High Protein Diet，西餐係最好嘅選擇。
上星期六，約左朋友去釣魚，七點鐘係大埔釣完魚，吹咗成日風，一條都釣唔度，同D班釣友賽後總結，敗北原因係鈎唔夠細，又要再買過D鈎，釣淡水魚始終我係初哥。
有個釣友跟我車，不停話魚場老板收起D魚，不停話要轉場，我唯有安慰佢，突然女朋友打黎話係SimpleLife等緊位，叫我慢慢，應該有排等，點知唔夠兩分鐘，女朋友又打黎話有位，仲話限食一個鐘，叫我十分鍾內到，「吓？未上Freeway，仲係大埔市中心，仲要Drop-off個Friend喎。」女朋友話自己食先，當然為左唔激嬲，馬上踩盡油，闖!!
用左十五分鍾到達又一城，好彩Lift口有車位。飛到SimpleLife女友先啱啱食完Salad，個Salad幾新鮮，女友話Onion Soup好正，不過唔係French Onion Soup，所以冇興趣，最後叫左個Rib Eye Steak同蠬蝦湯，女友已經食緊個Sea Bass，幾大件，配菜都好靚，Presentation唔錯，初時食都覺得好正，個汁少少酸，幾好食，但係食食下就發覺塊魚扒有少少over-cook，當食度塊魚皮，吐都吐唔切，以為係herb鋪滿塊魚皮，原來係煎燶咗，仲要係全燶，去皮食都OK。
蠬蝦湯，濃味，但唔係重蠬蝦味，只係咸味，有D似味精湯，不過幾十蚊，差不多啦，有蠬蝦肉，有誠意。
到我塊Steak上，要求係Medium Rare，我已經非常有介心，見度Grill Mark己經心知不妙，好深好多，個邊黑晒，又燶咗，翻轉塊扒好似冇乜煎過，肯定係師傅失手，太大火，上半塊扒絕對係Well-Done，下半塊扒就Rare，塊扒本身係中價貨，幾好牛味，可惜又被人浪費咗，我好少叫人換食物，除非有小強，唔想浪費，所以又去皮食，結果有四份一塊唔食得。
整體幾好餐廳，雖然廚工有待進步，但係其配備都有條件做好D，可能佢地係以Bakery做主打，餐飲係繁忙時間冇必跟得上。有機會都會再試下Lunch。
张贴
