炭火地雞 (已搬遷) 新店位置

呢晚同朋友去銅鑼灣食飯，我地搵左一間食燒烤既餐廳食dinner。打開餐牌，見到有好多唔同款既串燒、除左豬牛雞之外，仲有海鮮、野菜、炸物、沙律等，應有盡有。串燒配生啤真係好正啊🤤🤤呢度既串燒即叫即燒，點左雞腿、雞心元、雞軟骨、豚五花腩、豚五花腩牛油果同埋燒茄子。最鍾意係豚五花腩牛油果，燒香左既五花腩包住creamy既牛油果，一口食落去，口感好豐富。蔬菜方面，點左呢個燒茄子，大大隻，好惹味。呢個日本冷高糖番茄都唔錯。