影片
更多
2019-11-01
175 浏览
經過大埔做完公事，行經呢間餐廳，突然好想食串燒，就入咗去試啦。坐低見到原來好多人都喺度打邊爐或者食雞煲，不過我本身淨係想食串燒就冇食到啦。串燒嘅選擇都唔少㗎～先來一渣金桔檸檬蜜桃茶，第一渣$45，好大渣，蜜桃茶唔會太甜，抵飲！散嗌串燒好多都要兩串起，如果想食一串試多啲嘢食嘅話可以試吓呢個自選串燒拼盤。雞肉外面果層燒到脆口，但入面軟稔，好好味！大腸好肥厚，大腸味燒完之後更加濃，鍾意食大腸嘅朋友仔可以試吓。牛丸大大粒，味道不過不失。燒菠蘿：食串燒嘅話，燒菠蘿係一定要嗌，呢度嘅燒菠蘿外面乾身內裏爆汁，冇咩糖水浸過嘅味但又唔會冇味或者太酸。酸甜酸甜咁，健康又解滯，正呀！燒冬菇：乾身得來入邊軟稔有汁，燒得啱啱好。安格斯一口牛：牛味都濃，唔會燒得太過火，唔錯。燒牛脷：呢度嘅牛脷比起坊間嘅牛脷更加厚身同大塊，原本以為咁厚身一定好容易燒到硬晒，點知佢燒出嚟竟然個口感係軟稔嘅，幾有驚喜。小妹最最最推介嘅係呢個燒茄子，因為真係燒得好好。呢度嘅小茄子用咗蒜蓉醬汁係面燒嘅，成條茄子都燒到好軟熟同入味，又唔會太咸，超好味。提提大家，場內嘅白飯係任裝㗎，所以如果覺得齋食串燒好淡好濃味嘅話，可以考慮攞嚟送飯一流呀！
先來一渣金桔檸檬蜜桃茶，第一渣$45，好大渣，蜜桃茶唔會太甜，抵飲！
金桔檸檬蜜桃茶
$45
12 浏览
0 赞好
0 留言
散嗌串燒好多都要兩串起，如果想食一串試多啲嘢食嘅話可以試吓呢個自選串燒拼盤。
雞肉外面果層燒到脆口，但入面軟稔，好好味！
大腸好肥厚，大腸味燒完之後更加濃，鍾意食大腸嘅朋友仔可以試吓。
牛丸大大粒，味道不過不失。
3 浏览
0 赞好
0 留言
燒菠蘿：食串燒嘅話，燒菠蘿係一定要嗌，呢度嘅燒菠蘿外面乾身內裏爆汁，冇咩糖水浸過嘅味但又唔會冇味或者太酸。酸甜酸甜咁，健康又解滯，正呀！
燒菠蘿
7 浏览
0 赞好
0 留言
燒冬菇：乾身得來入邊軟稔有汁，燒得啱啱好。
安格斯一口牛：牛味都濃，唔會燒得太過火，唔錯。
9 浏览
0 赞好
0 留言
燒牛脷：呢度嘅牛脷比起坊間嘅牛脷更加厚身同大塊，原本以為咁厚身一定好容易燒到硬晒，點知佢燒出嚟竟然個口感係軟稔嘅，幾有驚喜。
燒牛脷
$30
6 浏览
0 赞好
0 留言
小妹最最最推介嘅係呢個燒茄子，因為真係燒得好好。呢度嘅小茄子用咗蒜蓉醬汁係面燒嘅，成條茄子都燒到好軟熟同入味，又唔會太咸，超好味。提提大家，場內嘅白飯係任裝㗎，所以如果覺得齋食串燒好淡好濃味嘅話，可以考慮攞嚟送飯一流呀！
燒茄子
$32
2 浏览
0 赞好
0 留言
蒜香燒元貝：呢個又係必食！因為佢係好大粒扇貝，食得出好新鮮彈牙，同埋佢燒到熟嘅程度係啱啱好，夾埋蒜蓉一齊燒真係Perfect！
蒜香燒元貝
$25
9 浏览
0 赞好
0 留言
蒜香燒生蠔：生蠔新鮮好味，同樣係用蒜蓉燒，味道來講覺得扇貝更勝一籌！
蒜香燒生蠔
$25
10 浏览
0 赞好
0 留言
總括嚟講，呢間餐廳嘅串燒質素唔錯，價錢亦都合理，最後仲有一個自家製嘅黑芝麻糕送添，味道都唔錯㗎。下次黎試吓佢嘅雞煲同火鍋先！
P.S. 如果唔食得辣嘅朋友仔要提早同侍應講啊，因為最尾啲串燒上碟果陣會灑上辣粉，都幾辣下㗎。
张贴
