Sky726

聽絲打介紹有間 法國菜﹣﹣Sky726的環境唔錯，BLUE MONDAY同閏蜜去傾偈晚膳。落地玻璃窗的環境浪漫醉人，雖然價錢有點貴，但今次食物的整體質素都OK唔錯。前菜＃牛油白酒煮藍青口伴法式薯條青口係細SIZE果隻，但細細隻口感比大隻的更嫩滑。個醬汁味道好濃，仲有辣肉腸做配料，令青口好惹味，法式薯條好熱辣辣，食得出係剛即起的，好香脆。店員教我地點辣肉腸青口汁，更美味。雞肉超腍滑，是剛熟的嫩嫩彈彈，好Surprise，一啲都唔韌。＃燒慢煮16小時辣豬肋骨，肉質超鬆軟嫩滑！用刀一切，豬肋骨和肉輕易離刀，肉質超滑，入口即溶，仲好綿滑好鬆化。飲品種類好多，我地揀呢2杯都好有特色，味道獨特。張餐牌仲附設細圖片俾客揀，好貼心。