串Grill 自助燒烤專門店 (譽發廣場) (已結業)

天氣凍凍地，最好就是去燒烤，朋友想食燒烤又怕麻煩，就帶我去串Grill自助燒烤專門店，仲話呢間是「自轉」燒爐，即是唔駛自己動手义食物，大家吹下水，幾分鐘就食，超級方便。餐廳雖然唔算好大，但勝在環境乾淨企理，大大張沙發卡位，坐得好舒服。一坐低，店員作介紹點用枱面上的「自轉」燒爐，只需擺啱位按照指示燒烤時間，幾分鐘就食得。教路完畢後，就立即有一盤串燒送上，咁窩心好明顯俾我地試啱邊款，就可立即再點喇！呢度是用手機掃上QR code落單，食物種類都超過40款，落單後，超快送上一盤盤串燒。大家燒烤時，當食物燒到7-8成時，都會掃上蜜糖，呢度雖然無蜜糖，但有自家製燒汁、魚露或柚子醬。若唔夠喉枱面仲有味椒鹽、辣粉及孜然粉任你自己調味。當日坐個卡位冷氣超夠凍，所以都無用到枱面上兩把風扇仔，不過餐廳又真是好貼心喎。仲有好多款飲品都是任拎任飲。限時兩小時，當差不多時間時，店員會提提仲有15分鐘用餐時間，見到食飽熄火後，就立即送上Häagen-Dazs雪糕，食完燒烤再食杯雪糕，真是透心涼，熱氣全消。由於是任食的關係，都試了好多款，仲有encore，所以講唔晒咁多，只講推介食物。少少油脂的牛肉串，入口好腍滑。