影片
更多
2018-09-19
42 浏览
約咗朋友幾個月，今日終於齊人喇，準備食餐好既，諗咗好耐決定食大家都鍾意既韓國野。餐廳吹住陣陣既韓風，電視播住MV，我地都忍唔住跟住唱哈哈。一坐低侍應就準備好一堆小菜，有豆芽、泡菜、蘿蔔等等。然後佢幫我地倒咗蛋液係爐邊，我地就加芝士、粟米落蛋到等食。蛋等咗一陣食得既時候肉就上喇。我地叫咗個個set入面有M5牛肉扒、豬皮、牛肋骨、雪花牛、厚切五花肉片。入面最令人驚喜既係牛肉，牛既牛質香滑唔會懈口又充滿牛味，食得出好新鮮既感覺。豬皮燒完外頭脆脆地，咬下咬下充滿彈性，據說多食仲可以補充膠原蛋白，所以我唔客氣喇。而最後燒既M5扒餐廳連袋上，上面貼住M5既label,等我地揮手🙋🏻就有人黎幫我地燒，畢竟咁靚既肉燒得唔好會浪費嘛。我地食5成熟既，肉既脂肪比例好好，咬落去油脂香夠又充滿肉汁，重點係無根係入面。五花食都係好爽口，唔會有豬臭味。一定要將肉夾係生菜入面，再夾埋泡菜一次過放入口，真正韓式既食法！下次食試下叫磚頭豬肉，一定會好震撼！另外我地叫咗個水冷面，入面原來有條雪條，食落特別又清新，如果芥辣油多d就更正。宜家做緊個special promotion,只要上Facebook like佢地既pa
餐廳吹住陣陣既韓風，電視播住MV，我地都忍唔住跟住唱哈哈。
一坐低侍應就準備好一堆小菜，有豆芽、泡菜、蘿蔔等等。然後佢幫我地倒咗蛋液係爐邊，我地就加芝士、粟米落蛋到等食。蛋等咗一陣食得既時候肉就上喇。
我地叫咗個個set入面有M5牛肉扒、豬皮、牛肋骨、雪花牛、厚切五花肉片。入面最令人驚喜既係牛肉，牛既牛質香滑唔會懈口又充滿牛味，食得出好新鮮既感覺。豬皮燒完外頭脆脆地，咬下咬下充滿彈性，據說多食仲可以補充膠原蛋白，所以我唔客氣喇。
而最後燒既M5扒餐廳連袋上，上面貼住M5既label,等我地揮手🙋🏻就有人黎幫我地燒，畢竟咁靚既肉燒得唔好會浪費嘛。我地食5成熟既，肉既脂肪比例好好，咬落去油脂香夠又充滿肉汁，重點係無根係入面。
五花食都係好爽口，唔會有豬臭味。一定要將肉夾係生菜入面，再夾埋泡菜一次過放入口，真正韓式既食法！下次食試下叫磚頭豬肉，一定會好震撼！
另外我地叫咗個水冷面，入面原來有條雪條，食落特別又清新，如果芥辣油多d就更正。
宜家做緊個special promotion,只要上Facebook like佢地既page就會有野飲送
好啦下次會再為肉返黎再食！
张贴
