千樂燒味餐室

今次係開始寫OpenRice之後第九次食燒味。
我估計，如果我真係寫到100篇燒味， 千樂應該係我食得最多嗰一間。
曾經聽講過佢同出名嘅一樂燒鵝有啲關係，我冇證實過，我只證實到佢嘅燒味唔止燒鵝，其他嘢都好好食。
下午茶時段由2:30開始，一份迷你燒鵝飯再加一杯熱飲（或者例湯）係$40。對比起其他店舖，佢唔算好平，但非常有水準。一份迷你燒鵝飯入邊都有八件燒鵝，加上而家食少咗好多飯，就算係迷你，作為一個late lunch，分量來講對我都已經好足夠。

迷你燒鵝飯茶餐

$40

燒鵝份量好夠，被香肉或，脂肪唔算太多，飲杯有少少澀味嘅檸檬茶， 正好中和燒鵝嘅油脂。

迷你燒鵝飯

$40

唯一係店舖唔算好寬敞，所以外賣係比較理想嘅選擇。收銀嘅姐姐好有友，和藹可親，無論有幾忙面上都總帶着笑容，實在好喜歡佢哋。
佢哋仲係一間良心店舖，會定期派飯比老人家，食飯以外，大家都可以支持一下。