翠園 (MOKO新世紀廣場) (已結業)

開始寫OpenRice原本係因為好鍾意食港式燒味，想講多啲有燒味食嘅餐廳，所以想挑戰食100次燒味。但唔知點解前牌冇乜食，食咗其他嘢，咁就洗下其他嘢啦。今日去飲茶就順便食下燒味啦。翠園竟然有推點心車，我以為得美心皇宮先有。叫咗一份瑤柱柚皮，炆得幾入味而且尚算鬆化，唔係有好多跟。瑤柱唔係好多，當佢裝飾咁啦。叫咗一個午市特價嘅例牌燒鵝。鵝肉係唔錯嘅，燒就唔係深井燒鵝脆卜卜嗰種，反而似係廣式皮有少少軟嘅。髀位唔算好肥，但其他位置嘅脂肪就比較多，而且唔係好夠脆。$58來講份量都算唔錯。我哋另外仲食咗一個點心，但我諗來諗去都諗唔到到底食咗乜嘢，我係咪開始患老人癡呆症？