六十年華

营业中

休息中

經開見佢個名#六十年華 幾吸引，見到門口掛住的燒味樣子唔錯，就一於約埋家人黎食番個便飯囉☺️。這間餐室集中、西、燒味同小菜於一身，選擇多元化。天氣涼凉地，最啱食過羊腩煲暖暖身，醬汁香濃不會好鹹，調味得恰到好處，羊腩肥瘦適中，一煲嘅份量足夠2人食用，配料有枝竹、馬蹄同冬菇。羊皮下嘅脂肪好煙韌又有咬口，馬蹄爽口，冬菇同支竹淋身又入味。雙拼叉燒、燒鵝髀瀨粉，轉鵝髀只需要$20，大大隻好正，皮香脆有鵝油香，肉質柔軟啖啖肉，點埋附上的酸梅醬汁更惹味，叉燒帶點點肥蜜味香，好食推介😋。宮廷貴妃雞瀨粉，加$10轉髀，賣相靚，皮香肉質嫩滑，沒有多余肥肉，瀨粉嘅湯都是好飲的😋。燒味餐包飲品，家人要了香滑熱奶茶☕️，我則要了至愛凍檸茶。抵過上酒樓食，起碼沒有加一服務費☺️。