再興燒臘飯店

营业中

休息中

再興每日人山人海，裝修唔見好，咁味道一定有佢獨到之處。要左個叉燒燒肉飯配例湯。例湯，相信都係豬件部份連骨熬，熬得唔短時間，唔叫得做太好，不過總好比其他猛落「師傅」的例湯。叉燒有蜜香，唔係一味靠肥油味道。邊位燒焦，唔健康都要一試，香口而不苦，未有「炭化」燒肉，皮同用未離，足見生意太好，豬唔會放太耐。肥肉位置比一般燒味鋪為薄，僅夠就好，亦夠健康。豬皮燒至芝麻狀，香口非常。底下白飯普通，但配上汁後，立即昇華。燒味本來就是麻甩類型，不需要「大興」包裝，靠口碑，已可客似雲來。