火山燒 (已結業)

今日出咗去荃灣附近做嘢，放工梗係係荃灣食埋飯先返屋企，呢間成日經過都好想試，今晚經過唔多人就入去試下，都幾多款式揀，價錢唔費，CP值高。蒲燒雙層日本鰻魚忌廉滑蛋珍珠米丼雙層日本鰻魚好厚身，燒到好香口，口感爽脆。忌廉滑蛋處於半熟狀態，口感真係好滑。另加$29可以升級套餐，套餐可以係飲品、湯、串燒、沙律入面四選三，飲品仲要係全部飲品都揀得添。飲品揀左茉莉花茶海鹽奶蓋茉莉花茶香濃，都有陣陣海鹽味，奶蓋綿滑。美國穀飼牛小排野菌鍋牛小排牛味濃郁，食落有口感，肉質偏瘦，但依然軟熟。湯底可選豆乳湯底或地獄湯底，我地揀左豆乳湯底，口感幼滑，豆乳味好香。