影片
更多
2016-05-04
442 浏览
天氣好,風和日麗,又係時候出外走走，上個月同朋友去左白石燒烤，山長水遠其實因為有海風，不過我地去到已經差不多七點了，咩都見唔到！日頭來的話有埋靚景會更開心！入場後我地先去買食物，呢個並不是任食的BBQ， 是按食量去買套餐或散點食物,除左常見的豬扒雞翼腸仔外，仲有一些是推介系列！我地一行15人，男女各佔一半，所以決定先叫10人餐加乳豬一隻，之後再按肚餓程度再加碼！俾左錢就可以揀爐，其實都幾大， 估計有過百燒烤爐可用。每爐通常可以坐十人，不會過於擠迫，我地揀左張比較近路邊，感覺比較闊落，15人坐感覺都OK！憑票可到取餐處領取食物～而同一時間，哥哥會幫忙開爐....10 人餐的份量一點也不少，基本上不同的肉類都有齊，平時通常要自費的粟米及蕃薯都有，亦已用錫紙包好，而肉類會用膠袋包好，衛生又方便。套餐會包埋10人份餐具， 蜜糖等必須品，好方便，要彈的話就只是有點不環保吧！另外，仲有一本印刷精美的燒烤手冊，裡面有介紹各款食材所需的時間，不過我地無睇到，浪費左人地的心意～好啦！未等到隻豬我地已經決定燒住先！因為大家都好肚餓，一開始當然是腸仔同丸的時間~貪佢快熟嘛@.@第一round 燒的腸仔同丸質
山長水遠其實因為有海風，不過我地去到已經差不多七點了，咩都見唔到！
日頭來的話有埋靚景會更開心！
入場後我地先去買食物，呢個並不是任食的BBQ， 是按食量去買套餐或散點食物,
除左常見的豬扒雞翼腸仔外，仲有一些是推介系列！
我地一行15人，男女各佔一半，所以決定先叫10人餐加乳豬一隻，
之後再按肚餓程度再加碼！
俾左錢就可以揀爐，其實都幾大， 估計有過百燒烤爐可用。每爐通常可以坐十人，不會過於擠迫，我地揀左張比較近路邊，感覺比較闊落，
15人坐感覺都OK！憑票可到取餐處領取食物～
而同一時間，哥哥會幫忙開爐....
10 人餐的份量一點也不少，基本上不同的肉類都有齊，平時通常要自費的粟米及蕃薯都有，亦已用錫紙包好，而肉類會用膠袋包好，衛生又方便。
套餐會包埋10人份餐具， 蜜糖等必須品，好方便，要彈的話就只是有點不環保吧！
另外，仲有一本印刷精美的燒烤手冊，裡面有介紹各款食材所需的時間，
不過我地無睇到，浪費左人地的心意～
好啦！未等到隻豬我地已經決定燒住先！因為大家都好肚餓，一開始當然是腸仔同丸的時間~貪佢快熟嘛@.@
第一round 燒的腸仔同丸質素都幾高，腸仔唔會好死咸，四寶丸彈牙各有特式,唔錯唔錯！
食緊丸就見到隻乳豬啦！其實佢真係BB 黎，不是酬神大金豬！師傅以熟練的手勢，把豬仔放上架上慢烤，我地依然可以繼續燒野食！
燒乳豬仔
$638
9 浏览
0 赞好
0 留言
燒到台面D 野食無晒，豬仔都差不多可以食得，師傅幫我地補幾下，就可以食啦。
切之前仲好好咁幫我地用相機影底大合照！
影晒相就會即少場切燒豬，手起刀落順手入盒，方便食唔晒可以拎走！
至於我地....一件都無留底，因為新鮮出爐的乳豬熱辣辣脆卜卜，人又多個個爭住食.....
燒乳豬仔
23 浏览
0 赞好
0 留言
所以再點左五人海鮮餐，除左扒類有青口大扇貝海蝦，雖然急凍左的海鮮，但食落無咩雪藏味，正㗎！
最後當然係BBQ不能少的多士，棉花糖包尾做甜品（套餐以外，另購的）超圓滿.... 再搭返Shuttle Bus 返去火車站！
隔離仲有掟鏢位，燒燒下發現唔見晒男生...原來去左掟鏢！
呢度幾適合一家大細去玩，小朋友可以玩吹氣彈床，大朋友可以掟鏢，再唔係打場Golf 都得！可以咩都唔帶都幾爽皮！
张贴
