喜來稀肉 (瓊華中心) (已結業)

人參雞湯 淡淡既人參味道，湯底落左D米，所以飲起黎都有D結身，雞係成隻，2個人share岩岩好，雞肉都有肉地，又唔會好嚡口，而且仲有D蔥粒調一調味，整體味道唔算太濃烈，但我地都幾中意~ 淡淡地幾新清，食燒肉果陣再飲返一兩啖，可以refresh下，而且佢個碗好夠熱，就算擺放左一段時間都好夠熱。燒物方面我地叫左調味醬油雞肉 同 大蝦，我自己比較中意調味醬油雞肉，雞肉夠嫩滑，味道夠濃，有2塊，又唔會太肥 / 太瘦。韓式海鮮拉麵 平時屋企都唔係好識煮韓國拉麵，呢到煮到岩岩好，麵條夠哂彈牙，最緊要湯底夠哂韓味~!