老沸爺火鍋 (已結業)

放工後，同老公系公司附近搵個地方吃火鍋。店鋪入口，已有一座流水式佛像，右邊是醬料枱，林林總總既醬料應有盡有。向行前兩步, 有幾款冷盤、熱葷，蒜蓉拍青瓜好味!鋪內見到一副特色雕刻既佛牆，好有心思!整個裝潢都很有主題。再向右行是大型雪櫃，內有新鮮蔬菜任你攞及冷飲櫃。都是任食的!!!一坐低，見到有燉湯湯底揀，就二話不說選了雪燕桃膠皂角膠原三寶養顏烏雞蔘湯 ($288一位)，另一邊揀麻辣鴨血湯底。職員服務周到，湯一到就倒了兩碗湯俾我地品賞，燉了四小時，好鮮甜，湯清味濃，有好多桃膠，烏雞嫩滑，就咁沾醬油都好味。任食之餘，首先會先來兩盤拼盤，一盤海鮮、一盤肉類內臟。蝦、鮑魚爽口彈牙，蠔新鮮鮮甜。雖然任食，但牛肉、豬肉質素都唔差，我地都追加多兩碟。麻辣鴨血極為欣賞，煙煙韌韌，咬下去個種麻痹感覺好正!想再追加，只可惜已售罄…想補充，落單可以用wechat，職員會細心教你用，既方便又環保，職員手腳快之餘又細心，周不時會幫你加湯。