傷心酸辣粉 (桂林街)

傷心酸辣粉唔係剩得酸辣粉🤣🤣🤣🤣
我都係想入去食酸辣粉，但係俾佢好優惠嘅燉湯午市套餐吸引！
今日叫咗三個餐，都係有湯，有蒸飯，有個餸，梅菜扣肉係最好食，啲梅菜絕對可以送兩碗飯！今日叫咗紅燒肉，梅菜扣肉，鹽焗手撕雞，紅燒肉有少少辣，有啲唔知咩配菜一齊，有啲咬口，我都鍾意食，梅菜扣肉真係好耐冇食，超級送飯，不過扣肉切得好薄好薄～手撕雞不過不失，下面啲青瓜冇咩
咩！
羊肚滾湯入邊有五粒羊肚菌BB，都叫做OK啦，我飲花膠豬肚湯，有豬肚冇花膠，但係味道都OK，整體$48一個餐係好抵，呢間嘢返放工都經過附近，但次次入去都係食酸辣粉，呢個燉湯套餐下午茶仲要賣$39🤑🤑🤑

$48有湯有蒸飯有餸！ 如果你要求唔係特別高，$50唔使食個午餐都真係好抵！

1

午餐都係買$33嘅粉麵套餐，除咗自己揀粉麵，仲有豆漿同埋小食，輸俾佢啦～

有五款湯，九款餸任揀，冇包嘢飲，但可以加$10要小食，茶水自助，菜譜出面攞！ 梅菜扣肉超入味，不過啲肉真係好薄囉🤣

$48

口水雞配酸辣粉，口水雞都夠辣，酸辣粉唔使講招牌貨，平時我食小辣，好想挑戰中辣