一哥點心 (已結業)

星期日無咩野做，就專程由沙田開車到元朗搵食😋。 大概12點幾1點到左餐廳門口，當時都有兩三人等緊位，我地一行二人等左大概10分鐘就有位啦。座位雖然同隔離枱較近，但唔算太擠逼，張枱都擺到唔少點心。點心同燉湯都出色，比一般酒樓的點心好吃得多。兩個人叫左4樣點心，1個燉湯。呢盅牛肝菌燉瘦肉嘅老火湯，落足料，鮮味十足。龍蝦湯鮮竹卷，樣貌唔錯，最欣賞係炸腐皮仲係脆，唔係一早整定浸到林哂。呢個蒸蘿蔔糕入面有一絲絲嘅蘿蔔，唔會食到好粉咁樣，食落清清甜甜，做得有誠意。棉花雞的雞件有咬落有質感，唔似一般酒樓嘅滑雞。