樂天經典 (奧海城二期)

营业中

休息中

今日去咗奧海城行街，順便喺樂天經典食晚飯 晚飯時間都好多人要等一陣位，最鍾意呢度乾淨企理，坐得舒服又闊落淮山杞子螺頭湯非常足料嘅燉湯完全冇落味精，亦唔會好油，夠濃味但又唔會好俗，一盅大約有六碗湯，而且湯渣仲有小小味，仲好好食菜香鐵板豆腐第一次叫呢個菜，超級好味!!! 鐵板底係煎蛋， 中間有一大磚玉子豆腐，上面有唔同嘅菜、茹菌、菜脯等等增加口感，汁既味道啱啱好唔會咸， 滑滑嘅豆腐再加爽口嘅菜脯，就咁食或者送飯都一流油浸銀雪魚呢個銀鱈魚賣相一般，不過魚肉嫩滑夠份量，但係底嘅醬汁偏鹹，一直浸住條銀鱈魚令到魚既味道都有小小咸椰子西米露湯圓椰子煲成嘅西米露椰香味非常重西米份量唔多，不過兩粒湯圓超級大粒，而且好煙韌，中間係我鍾意嘅黑芝麻餡