時代冰室 (環球工商大廈) (已結業)

喺淘大UA 睇完戲，就梗係去蕭生開嘅時代冰室食嘢啦!我同個Friend 一人各嗌左一個餐，以茶記標準嚟計，候餐時間比較耐，大約等左15分鐘。(1) 鴛鴦焗飯飯嘅份量好大，自己一個人都食唔哂! 五十幾蚊有一大塊雞扒同一大塊豬扒，真係好抵食! 本人覺得黑椒味有啲太辣，但白汁就真係唔錯，不過不失。鐘意飲檸蜜嘅我，餐飲跟左熱檸蜜，竟然唔洗加錢! 係一個加分位。(2) 煎雙蛋豬扒飯兩個相比之下，我會覺得焗飯好食啲，畢竟都係熱門菜。豬扒有啲硬，但味道夠香。煎荷包蛋都有蛋漿流出嚟，好滿意!餐飲跟左一杯特飲,  青檸蜜桃汁，味道好清甜解膩，侍應果然無介紹錯!順帶一提，侍應嘅服務態度的確好好，會同你吹下水，亦都有問必答! 大家都可以試下食!