星洲名廚 (已結業)

一入店就比佢啲綠色燈光嚇一嚇，成間餐廳喺午餐時候都幾暗，不過見都多人食，應該都唔差。題外話，其實一間餐廳既燈光都幾影響食客選擇餐廳既第一個觀感。好多老牌既餐龐廳或者冰室燈光都係偏暗，俾人感覺好殘舊同難以親近，希望餐廳可以改善下～椰漿飯嘅基本配置都有，椰漿味幾濃，個人幾鍾意。至於豬頸肉，味道唔錯但偏硬，比較難咬開。最得意嘅係，午餐會送中湯，材料都幾豐富。海南雞飯基本上係東南亞餐廳既「兵家必爭之地」，依間餐廳既水準就一般般。首先講個油飯，油味係有但就無咩雞油香，而且偏硬身，食唔出果種濕潤既油飯香味，至於雞同配料方面╴肉質比較鞋口但未至於好乾好瘦，算合格，至於汁料方面就似係food court水平，整體而然係飽肚合格之作。