秀拉麵 (已結業)

呢排熱C辣辣, 真係食龍肉都無味!Lunch Time 前仲要過海落人頭湧湧嘅中環做嘢 ... 見時間緊迫, 就過對面諗住食個快手快腳拉麵! 對自己好啲唔食茶記喇 …都有一排無嚟秀拉麵, 好似上次嚟佢都未榮登Michelin嘅…勁喎! 好似都無乜邊間日本拉麵比車胎人收納 … 不過我呢Ｄ人就梗係要信自己條脷多D!上幾次試過哂佢嘅招牌正宗九州乜秀物秀同超班餃子, 今次就決定試佢D新menu裹面嘅款式!有少少龍, 好在有冷氣, 排咗一陣, 好快就有位!可能Ｄ年青伙記夠快手, 食客又快手!大熱天時, 真係唔講係講假,嗰碗紅綠黃超colourful素冷麵喺視覺同味覺都非常吸引!!! 一個字: 清新!!!咁refreshing係彈牙靚麵加新鮮蕃茄同各式veggie …簡單加幾片好香質感幼滑 …爽!其實我見佢個牌有appetisers原個蔴醬tomato同埋冷豆腐, 已經喺未食呢客主菜前歎咗先~~正! 降温醒神之選!我見隔離有人食緊沾麵, 聽到佢哋讚個汁夠特別唔死鹹, 都好想試, 個肚公道, 惟有下一次! Tsukeman, I’ll be back!!!