金坊泰國美食

营业中

休息中

因為weekend冇諗定食乜， 結果係荃灣兜咗兩個圈都搵唔到啱食又想食嘅餐廳， 然後就嚟到呢度門口， 諗起以前食過幾好食 ，又唔係排咗好多人 決定encore。 舖頭位置喺路德圍旁邊 ，人來人往非常當眼。我地叫左4樣野。 鐵板蠔 超好蠔， 每隻都好肥好鮮， 食極都仲有。🤤🤤 燒豬頸肉本身唔太鍾意豬頸肉，覺得口感好似肥肉 ，不過呢度燒得幾好， 切得又薄。 唔會覺得好肥膩。 仲係即叫即燒。 生蝦刺身 生蝦刺身畀我嘅記憶點係特別貴 😂八隻蝦133蚊 ， size唔係特別大 ， 就係一個普通生蝦刺身。 海鮮冬陰功濕炒河粉出面好少見泰式濕炒河粉， 所以今次揀嚟試下。 個汁都似冬陰功酸酸辣辣， 不過用嚟做炒麵醬又好似唔係太夾， 成個河粉勁多秀珍菇， 食到唔想再食😂😂 食完嘢仲送咗個椰汁大菜糕, 我自己超鍾意不過男朋友就覺得麻麻地😛😛 總括嚟講餐廳啲嘢都好味, 收費都合理,下次可以試埋其他小菜。