Yaadgar Kebabs and Curries (已結業)

相传食咖喱可以强身健体，所以趁今日天朗气清，就同屋企人来西贡抗疫食咖喱。原本唔系来呢间食，不过另外一间咖喱舖中午无开，所以就来呢度试下。呢间舖面积唔大，得十二个位，来到嘅时候，好彩有人啱啱埋单，唔使几耐就嗌野食喇。睇佢嘅餐牌，加埋佢舖头嘅设计，似系做外卖多，好多款都好适合外卖。嗌咗好多野食，有啲食得太快无影到相，喺度讲下啲无影相嘅野食先︰鸡肉卡巴︰好好味，肉菜比例好好，唔会多肉到滞，又唔会多菜到寡。玛莎拉咖哩鸡肉︰呢款咖喱真系无得弹，辣度适中，香远益清，可远观又可同欢。如果无乜人嘅话，呢度会播下啲印度电影，虽然无开声，不过佢播嘅都系香港上过嘅戏，大家唔会太陌生。食食下，发现有人好似等紧位，等到我地十几分钟之后食完就走入来，睇来呢间餐厅都几受欢迎呢。