影片
以上资料只供参考，请与餐厅确认详情
Yaadgar Kebabs and Curries09:00-23:00Gyros Chicken Kebab (Mild) $60 🌯-有不同的蔬菜🥬配搭雞肉，口感清爽-雞肉分量多，啖啖肉-卷餅片厚度適中-醬汁好cream you ，同時酸酸地辣辣地，十分開胃推薦度: 😋😋😋😋😋 (5個😋為滿分)#西貢美食 #西貢 #印度菜 #kebab 📍Yaadgar Kebabs and Curries (西貢) 西貢市場街24號地下
继续阅读
入西貢一直都覺得好難搵到嘢食，因為好多café都好早閂門，剩返嘅通常係貴價西餐廳同泰國嘢，不過今次就發現咗呢間又平又好食嘢印度餐廳！佢唔算好多款可以揀，大致係幾款常見嘅咖哩、炒飯同kebab，另外亦有PIZZA，不過鍾意食羊嘅朋友就一定鍾意，因為好多嘢都可以揀配羊肉。叫咗個雞肉炒飯同一個咖哩配印度薄餅，入口有溫和而層次豐富嘅香料味，同埋雞肉好入味，非常香，亦都越食越開胃，而且咁樣兩個人食，都係total 150蚊左右，呢個價錢嚟講，味道真係有驚喜，下次去西貢不妨試下！
继续阅读
返半日工，同事揸車，我們一行三人來到西貢，今天試這家小型家庭式經營的印度餐廳。可能疫情嘅影響，店內只有一枱客人，所以我們不需要等位。餐廳座位雖不多，但是食物味道不錯、價錢也合理，特別推薦的是羊肉拼雞肉卡巴，由於我們有三個人，店主好好人，應我們要求將卡巴切三份，然後有錫紙包好再處理，真是細心體貼。 另外，我們也點了咖喱羊肉配原味烤餅和蒜蓉烤餅，還有香噴噴炸好的薯條，再來一杯冰凍的芒果特飲，真是人生一大樂事也。
继续阅读
相傳食咖喱可以強身健體，所以趁今日天朗氣清，就同屋企人來西貢抗疫食咖喱。原本唔係來呢間食，不過另外一間咖喱舖中午無開，所以就來呢度試下。呢間舖面積唔大，得十二個位，來到嘅時候，好彩有人啱啱埋單，唔使幾耐就嗌野食喇。睇佢嘅餐牌，加埋佢舖頭嘅設計，似係做外賣多，好多款都好適合外賣。嗌咗好多野食，有啲食得太快無影到相，喺度講下啲無影相嘅野食先︰雞肉卡巴︰好好味，肉菜比例好好，唔會多肉到滯，又唔會多菜到寡。瑪莎拉咖哩雞肉︰呢款咖喱真係無得彈，辣度適中，香遠益清，可遠觀又可同歡。如果無乜人嘅話，呢度會播下啲印度電影，雖然無開聲，不過佢播嘅都係香港上過嘅戲，大家唔會太陌生。食食下，發現有人好似等緊位，等到我地十幾分鐘之後食完就走入來，睇來呢間餐廳都幾受歡迎呢。
继续阅读
好耐無試過響假日入西貢喇。小有地唔算好多人。黎到大約十二點，甜品店已經排長龍，西餐既都唔小捧場客，話晒係外國人假日大家可能想應下節。見到呢間印度餐廳得一枱客（其實入面都只係坐得十二個人）老公想食Kebab. 而我又想食下羊咖哩。於是就入去喇。老公叫左串燒雞Kebab, 都大份量！佢地呢度係無餐既。全部散叫。我叫左Lamb Kadai 印度咖哩羊肉煲。唔太辣，偏甜！只係我唔小心咬到香料先至感覺麻麻地！配上另叫既蒜蓉烤餅！烤餅薄身但夠挺！接住咖哩黎食完全無問題。再加上印度餐必飲既芒果奶昔，一流！只係奶昔甜左小小！午餐同晚餐一樣價，所以當午餐食就貴小小。
继续阅读