榆林棧點心專門店 (非門市)

之前lunch hour經過呢間新開嘅點心店，見到門口企滿人等位，已經心癢癢想食😄難得今日tea time得閑，即刻拉朋友黎～～晶瑩鮮蝦餃、鵪鶉蛋燒賣、爽滑香茜牛肉腸、薑蔥牛柏葉籠仔鳳爪排骨飯、甘筍鹹水角、鮮竹牛肉球、3.6牛奶芒果布甸款款點心都好新鮮，即叫即蒸，所以等待時間會有少少耐，大約10至15分鐘就開始上第一碟，蝦餃有二粒和四粒選擇，大大粒，外皮晶瑩剔透，蝦肉爽口，必order😍腸粉皮薄又滑，朋友們都好鍾意。每款上枱都熱騰騰出晒煙，份量好夠，籠仔蒸飯直情可以裝到五碗飯添！CP值極高！