大漁屋台 (已結業)

今日係我好朋友生日，佢係一個超級鍾意食日本菜既人，但佢就唔食得生冷嘢，大漁屋台就滿足既我地既慾望，食日本菜唔一定食壽司既 !串燒關東煮一樣咁出色呀。軟殼蟹水菜卷，軟殼蟹炸得好香脆咬落索索聲，外面既蟹子又好多好鮮味。蟹子沙律 青瓜好新鮮好爽脆，蟹子依然好鮮味，最緊要沙律醬唔會太多搞到太膩。天婦羅手打烏冬 天婦羅炸漿唔厚，炸得香脆不油膩。手打烏冬食落超級煙un，個湯夠熱辣辣 一啲都唔普通好好食架。鵪鶉蛋串燒同鯖魚串燒，個醬汁帶啲甜味，鵪鶉蛋一口一粒好過癮，鯖魚肉質鮮嫩魚皮香脆。大根關東煮 煮得好入味，大根食落清甜無渣。竹輪、八爪魚、魚板、蟹餅關東煮，四樣都煮得好入味，竹輪、魚板、蟹餅都好彈牙好好食，八爪魚好鮮甜唔會煮到乾柴。煎豚肉餃子 皮薄餡靚，外皮煎到好香脆但唔油膩，豚肉餡好香濃好多汁。芝麻雞翼 炸到熱辣辣，又炸得好香脆，皮脆肉嫩 仲要好多汁。