烏蠅館 (已搬遷) 新店位置

今日去尖沙咀食烤魚，食左個好滿足嘅晚餐。呢間烏蠅館幾近地鐵，放工7.00去到即刻可以入座。我地2個人叫左三峽烤魚套餐，配6個菜。因為我真係好鍾意菇，所以冬菇、雞髀菇、金針菇全部要曬。🤣上菜時間好快，送到嘅時候魚係半熟嘅，等幾分鐘就會起煙，然後就可以開動啦😍其實呢盤烤魚真係好足料，基本上啖啖都係魚同菜，我地點嘅蒜香味好濃，好滋味呢！特別要講下條魚，好新鮮好濃味。廚師都好好，已經幫手分做一塊塊，一夾起就可以食。魚唔算多骨，魚肉份量夠2個人食，如果多d人，要點2盤了。而d菜就建議浸一陣先食，等佢地入味d，全部都好正呢！😆😆😆野飲就要左可樂同凍玫瑰蜂蜜，玫瑰蜂蜜賣相唔錯，玫瑰味比較突出d，味道偏淡，都好fresh，鐘唔鍾意就要睇個人口味了。呢度員工環境都唔錯，周圍唔會充滿油煙味，比起旺角嘅烤魚或者打邊爐，的確舒服好多。順帶一提，呢度都有火鍋同其他嘢食的，不過未食過就唔評論了🤣