Nomads

難得喺 openrice，突然見到尖咀呢間舖頭做「$20 八吋薄餅」(兩日優惠)。呢頭打躉嘅我成日經過呢條街，梗係拿拿林外賣自取啦！方便在，撳幾粒掣就可以喺支付寶畀埋錢，攞外賣時間又可以自己定，簡直係 perfect 池喇！

到講下個薄餅，今次優惠佢有兩款畀你揀，分別係「蕃茄」同「夏威夷」款式。菠蘿同薄餅呢個配搭，始終由細食到大太多次，所以我揀咗蕃茄。八吋薄底嘅，啱啲唔係大食嘅人。而且佢係即叫即焗嘅關係，外賣即刻食真係冇得頂。Toppings 方面有少少雞肉，配搭新鮮嘅番茄同埋青椒，再加鮮茄醬底，食落每啖都好鬼 fresh，廿蚊貨仔收貨喇！

由於早咗去攞外賣，侍應都好有禮貌叫我坐等等。環境氣氛都幾唔錯，一於下次嚟試埋佢啲自助餐！