花椒子 (已結業)

花椒子應該係同Tommy Yummy同一個集團，最近有啲新開嘅餐廳。今日黎旺角雅蘭商場地牢食四川嘢。原來喺商場內係去唔到餐廳入口，需要喺雅蘭旁邊嘅山東街直接進入餐廳。座位好闊好有距離，menu 有top 3，飄香酸菜鱸魚片，麻辣小龍蝦，湖南辣椒炒雞。每張枱中間都有一個電磁爐，方便食炒雞嘅時候可以熱辣辣香噴噴。炒雞唔單止有充足嘅青辣椒，半隻雞仲可以揀西班牙黑毛豬或者美國肥牛。上枱已經好有椒香，再加黑毛豬煮，味道濃郁。有骨雞件配埋青椒，又唔算好辣，以香為主。酸菜鱸魚片大大兜，厚厚魚片都有七至八件，好滑身。