Vortex American Snack Bar (已結業)

咁啱星期六日有波睇，去咗個朋友屋企睇波，佢喺樓下買咗啲burger同埋Pizza做宵夜。

夜麻麻食到個脆卜卜嘅Parma ham Pizza，絕對精神為之一振，餅底夠晒香口，而且食落火腿鹹鹹香香，加埋啤酒真係好夾！

牛肉漢堡跟餐送埋薯條，牛肉份量好多，食落好多汁，薯條好夠味，半夜食真係好邪惡！

半夜來講買到啲咁新鮮嘅宵夜，其實真係幾正㗎，味道又唔錯！價錢就同中環或者尖沙咀地區相若，不過食物質素都OK，偶然一食唔錯！