店內雖然有2層，但都坐滿晒，好多棒場客
門口仲有幾個客等緊外賣串燒
點左 泰式雞絲湯河 幾款串燒 同咸檸七
泰式雞絲湯河42
香料調味好適中，唔會太重香料味，仲加左少少檸檬草，個味道好豐富。
湯底清爽得黎好夠味，唔會太咸，亦不太油可以就咁飲都得
河粉夠煙韌，食到尾都仲夾得起，唔會話浸到淋晒斷晒。
燒和牛串20
個醬汁有輕輕微辣微酸好香口又開胃，平衡返牛肉粒個油脂啱啱好
燒豬串12 燒雞串12
沙嗲醬係唔辣偏少少甜果種，帶少少花生香
豬串反而嫩啲，雞串係比較有咬口
咸檸七22
半粒咸檸檬，出面一整粒有時會覺得太咸，唔篤晒又浪費左，半粒啱啱好^^
