euro go go

营业中

休息中

凌晨出門工作過後，番到屋企樓下先係早上十點，竟然仲可以食到個早餐。黎到Euro go go, 如果唔係外面裝修中，仲搭緊棚，其實呢到既裝修同座位都幾空曠同寫意既。牛角包 加 火腿香腸鮮茄湯通粉 配熱咖啡 $34我叫既早餐C好豐富呀， 而且每樣都係「賣飛佛」。牛角包仲係熱辣辣，外脆內軟型。餐廳仲貼心提供埋牛油同果醬， 我平時食多士兩樣都要用，先食得夠滋味。 不過今次牛角包本身已經好香牛油味，而且內裡麵包一絲絲軟軟的，單吃已經好美味。鮮茄湯通粉湯底酸甜，不太覺味精味， 應該真番茄含量頗高，而且有黑橄欖，味道有層次。不過通粉唔夠彈牙， 火腿香腸都是快餐質素，比較普通。平價早餐來說，其實這個餐已令我頗滿足，但餐具方面如果餐廳可以多注意餐具衛生會更好。