漁牧 (已結業)

行開尖沙咀都未食過呢間，又好耐冇食個烤魚，所以呢日就走左去同朋友食啦。首先有個酸梅汁，非常酸，不過幾開胃。小食有青瓜海蜇，小小辣，不過份量好多，我又好中意食!主角到，好大條魚呀!!!!仲好好一開二左，同埋呢款魚係冇咩骨架。D湯都辣辣地，不過下面一路燒住咁食，真係好有打邊爐感覺。個名叫漁牧混豬，有3個唔同ge醬，其中佢地自製ge漁牧混豬醬幾特別，係用芥末做，但又甜甜地咁，幾好食。不過個豬就唔太熱同唔太多肉...炸饅頭熱辣辣，新鮮炸起，配煉奶真係一流!炒雜菇，D菇勁大粒，同埋炒得好野味呀呢個好特別ge菜式，炒蓮藕中有大大塊煙肉，大大粒蝦，大大片薯仔，多料又大碟，朋友個個都好中意，不過我覺得個蝦唔太新鮮。