大門食堂 (將軍澳廣場)

营业中

休息中

天氣開始凍，就想食碗熱辣辣嘅拉麵。今晚去左吉之島入面嘅大門食拉麵，先黎叫左碗鬼門拉麵，餐牌有成三隻辣椒，一上枱見到隻色似韓國嗰啲甜辣醬，以為無料到，點知食落都真係幾辣，不過食完成個人暖哂，要食得辣先好叫呀！另外叫左一碗大門拉麵，無咩特別，正常口味，食拉麵好鐘意有糖心蛋，叫左一隻黎試，覺得麻麻地，可以唔使加，整體黎講價錢唔貴，味道ok，份量都充足，又唔多使排隊，仲要唔使加一，可以一試，不過唯一要講佢個拉麵好粗，我個人麻麻地依種口感，我鐘意平時嗰啲拉麵多啲！