時新漢堡飽 (已結業)

讀u嗰陣已經成日同朋友食時新快餐，對我哋一班學生哥嚟講，佢就係價錢貼地、食物美味時新喺黃埔重出江湖，作為粉絲嘅我又點會錯過以前要食時新，就要抵得住熱同逼，依家新店環境光鮮、座位寬敞。餐牌都整到靚靚仔仔咁，整體真係舒服咗好多。嚟到必點嘅港式漢堡包～*雙層芝士蛋漢堡包　$35*好鍾意佢塊熱辣辣又juicy嘅牛肉漢堡！！肉質有嚼勁而且飽有肉汁，配埋芝士同秘製沙律醬，每一啖都係滿足同幸福塊芝麻包都烘過所以熱熱地，煎蛋亦煎得恰到好處，成個組合絕對係誠意之作*雙層火腿蛋漢堡包　$35*呢個係我朋友點嘅，佢揀咗黑椒汁。話說雖然我幫襯時新多年，但因為佢個沙律醬太好味太signature（個名直頭叫「時新醬」），所以我係冇試過其他醬嘅今次偷食咗朋友個包，黑椒汁夠曬惹味！*吉列脆魚餅　$25*呢個我都係第一次食，入面真係有一粒粒嘅章魚，外脆內彈牙，下次轉配沙律醬應該仲正。*炸薯條　$22*　大愛波浪紋粗薯新鮮熱辣嘅香脆粗薯，食落唔會有好油嘅感覺，一食就知唔係用萬年油炸嘅，寧舍香口！坐得舒服，食得滿足，好慶幸仲可以食到咁好食嘅港式漢堡包。