影片
更多
2017-12-16
984 浏览
天氣凍凍哋，幾個人去打下邊爐就最好！今次契媽就帶我同家姐去銅鑼灣打邊爐！我地出咗銅鑼灣站A出口時代廣場，過咗鵝頸橋底，上樓上就見到呢間「來一鍋」！一入到去，覺得好光猛，冷氣又夠凍，環境舒適！呢度有十個鍋底比大家揀，契媽話冬天要補下，所以揀咗花膠螺頭雞鍋濃湯，其他湯底仲有酸菜蜆湯、冬瓜蜆湯、喇沙海鮮湯、冬蔭功海鮮湯、胡椒豬肚湯、印度椰子雞湯、四川麻辣野菌湯、湖南香辣牛肉湯同麻辣雞湯，任君選擇！花膠湯好足料，又好多好厚嘅花膠同螺頭，真係就咁飲湯都正！我地一行四個人，所以可以有兩碟肉揀，我咁鍾意食牛肉，就叫咗兩碟安格斯肥牛，牛肉好快熟，唔洗煮好耐，牛肉幾重牛味，唔錯啊！主菜有海鮮類同餃子丸類等，海鮮有扇貝、青口、鮑魚、大蝦、蠔、珍珠蚌同象拔蚌；丸類有墨魚丸、豬肉丸、牛丸、雲吞、韭菜餃同水餃；仲有豬肉釀鮮菇同墨魚釀豆卜。海鮮種類好多，扇貝同鮑魚好大隻，又鮮甜又唔韌；牛丸入面有流心芝士，好驚喜！脆口野當然唔少得，有炸魚皮同響鈴，非常鬆脆！除咗呢啲之外，其他嘅例如有蜂巢豆腐同牛骨髓，呢個牛骨髓好特別，小小煙韌，無冇味嘅。仲有冬菇、魚片頭、獅子狗、羊肉片、特長蟹柳、脆肉鯇等等。食到最後，仲有即整嘅甜
我地出咗銅鑼灣站A出口時代廣場，過咗鵝頸橋底，上樓上就見到呢間「來一鍋」！
一入到去，覺得好光猛，冷氣又夠凍，環境舒適！呢度有十個鍋底比大家揀，契媽話冬天要補下，所以揀咗花膠螺頭雞鍋濃湯，其他湯底仲有酸菜蜆湯、冬瓜蜆湯、喇沙海鮮湯、冬蔭功海鮮湯、胡椒豬肚湯、印度椰子雞湯、四川麻辣野菌湯、湖南香辣牛肉湯同麻辣雞湯，任君選擇！
花膠湯好足料，又好多好厚嘅花膠同螺頭，真係就咁飲湯都正！我地一行四個人，所以可以有兩碟肉揀，我咁鍾意食牛肉，就叫咗兩碟安格斯肥牛，牛肉好快熟，唔洗煮好耐，牛肉幾重牛味，唔錯啊！
主菜有海鮮類同餃子丸類等，海鮮有扇貝、青口、鮑魚、大蝦、蠔、珍珠蚌同象拔蚌；丸類有墨魚丸、豬肉丸、牛丸、雲吞、韭菜餃同水餃；仲有豬肉釀鮮菇同墨魚釀豆卜。
海鮮種類好多，扇貝同鮑魚好大隻，又鮮甜又唔韌；牛丸入面有流心芝士，好驚喜！脆口野當然唔少得，有炸魚皮同響鈴，非常鬆脆！
除咗呢啲之外，其他嘅例如有蜂巢豆腐同牛骨髓，呢個牛骨髓好特別，小小煙韌，無冇味嘅。
仲有冬菇、魚片頭、獅子狗、羊肉片、特長蟹柳、脆肉鯇等等。
食到最後，仲有即整嘅甜品－心太軟，一切開，朱古力流心，可以妣美其他甜品店嘅質素啊！
總括今次打邊爐，不得不比一個like佢！
张贴
