滾得囍宮廷火鍋小炒 (已改名) 查看

雖然天氣有D 熱，但都唔會影響到我想打邊爐嘅決心，今次黎開福建人嘅根據地，見到呢間滾得囍宮廷火鍋小炒，行宮廷風嘅路線，試試佢係咪咁高質啦，於是就同朋友兩個人黎食。湯底我地簡左嘉慶椰子藏雞濃湯鍋，湯底清甜有椰子味，再加上藏雞更加滋潤，打宗邊爐都唔怕熱氣。一口魚皮餃爽口彈牙，粒粒魚皮餃都相當飽滿。手切頂級安格斯牛肉淨睇賣相都睇到出油脂分布非常平均，食入口更加感覺到牛味濃郁。滾得囍宮廷丸拼盤每款丸都勁彈牙，而且份量有兩粒，我地兩個人分就岩岩好。足料竹蔗茅根係打邊爐清熱好幫手呢度仲有原條新鮮象拔蚌，不過今次太飽，有機會下次再試。