料理店鋪由佐敦港鐵站行幾分鐘就到,交通方便,容易搵到。
入到去,服務員好窩心,先幫我哋噴消毒液消毒雙手,然后安排我哋入座,再介紹啲食材俾我哋！
是日火鍋料理
☑️鍋底雙拼
☑️雙併餃子
☑️豬皮
☑️鮮打四寶丸
☑️菜心苗(有機)
☑️脆鯇魚片
☑️特尚手切牛(中)
十款調味醬油,有辣有吾辣,調出自我口味。一個tray裝住上,乾淨整潔,令人安心！
《太極》湯底：姬松茸冬瓜湯拼麻辣湯,姬松茸有提高消化同免疫系統功能,而冬瓜就清熱氣。姬松茸、冬瓜同瘦肉粒材料好足。而麻辣湯底就麻麻辣辣,喜歡食辣嘅你唔好錯過呀！
脆鯇魚片晶瑩通透,一望就知新鮮。食落無骨,肉質鮮、脆、滑，碌耐咗都吾爛,點埋自選醬汁,更香味！
鮮打四寶丸有牛肉丸、鮮蝦丸、豬肉丸同墨魚丸,每日新鮮人手打製,食得出特別爽口彈牙,味道鮮美！
木耳鮮蝦雲吞同西洋菜香菇餃都係每日新鮮人手包,漲卜卜皮薄隱約見到餡料。木耳絲帶出爽脆口感,而西洋菜配香菇就香味濃。
豬皮爽夾煙韌,含有大量膠原蛋白,吸收麻辣湯底後,好入味！
有機菜心苗就幼嫩鮮甜！
特尚手切牛色澤紅潤新鮮,切得厚薄剛好,碌一陣就食得,肉質鮮嫩充滿油香而不膩。
除咗火鍋外,仲有套餐、而私房宴同海皇宴就必須要早一日預訂。
尚鮮海鮮料理賣點：食材新鮮,服務員熱誠,不停為食客加飲用水同湯底,仲會主動幫客人筆走湯底上嘅浮油。朋友果然好介紹
