拳王泰國餐廳 (已結業)

同媽媽食飯，去到近年極速冒起的美食街。在日本食肆林立的謝婓道竟然有一間泰國餐館，仲要係主題餐廳。相當特別的氣氛，吸引左媽媽一試。店內玩味十足，佈置十足拳館風，椅子、掛飾都配合主題。牆上掛著唔少金腰帶，睇黎拳王店主應該來頭不小。除左裝修外，牆上都掛有幾部電視，播放著唔同的拳賽，再添一點氣氛。除左gimmick外，實力亦值得欣賞。海南雞絕對是驚喜之作，半隻雞肉去了骨排好，用竹籠上台甚有睇頭。熱湯另上，可以淋在雞肉表面。雞肉十分嫩滑，有雞味，配上兩款特製醬汁，十分惹味。媽媽好鍾意食海南雞，一陣就清哂！另外點了金邊粉，擺碟同樣有誠意。熱辣辣的金邊粉用薄薄的蛋皮包好，拆開時驚喜十足。蛋皮煎香，混入金邊粉中可以增加口感。金邊粉亦十分足料，有數隻大蝦同不少配料。最後亦點了一份甜品，一客6件的西米糕，有三款口味，當中班蘭味最夠特色。軟滑香濃的班蘭糕下，係口感十足的椰香西米，令人滿足。埋單三百多，價格合理。