Hero Sandwich (已結業)

又響中環搵食，擺花街好多食店，見呢間漢堡店幾四正，咁啱有人走有位，坐低之後去櫃枱買食物，自助形式！值得讚係有八達通比錢！我叫「Hero熱狗餐」（$49），包凱撒沙律同熱檸茶！（餐內飲品選擇少啲，不過唔知道可唔可以加錢轉貴啲嘅飲品）仲有個超級餐，多個焗薯，但份量對我來說太多了！取收據等叫號碼取食物，等5分鐘有得取。八熱狗好大隻，個麵包布滿芝麻，I like it! 麵包軟熟熱辣辣！司華力腸，腸衣薄好易咬，雖然唔算多汁，但味道幾好，熱狗內有生菜同蕃茄，都新鮮，芥辣沙律醬不太辣，不攻鼻，酸酸地幾開胃，上枱時已將熱狗切一半，方便食！沙律將沙律醬另上，幾好，可以由客人決定落多少，不過沙律菜比較老，車厘茄好味，仲有D芝士碎！熱檸茶係茶包沖，普通，店內只有啡糖，窩心係熱飲紙杯外加一個瓦通紙圈，唔會太熱。食店不大，只有十多個位，不過乾淨企理，企堂姨姨收拾勤快！以咁嘅價錢響中環食一餐午餐，抵！