齊柏林熱狗店 (寶峰大廈) (已結業)

每逢想食熱狗就會諗起呢間，佢軟熟嘅熱狗包同美味嘅餡料一試難忘。紐約辣味熱狗🌭️ $38呢款熱狗有肉質嫩脆的粗匈牙利腸，搭配特製辣黃芥末醬、茄汁、炒洋蔥等酸甜中帶點微辣，味道層次豐富。澳式風情熱狗🌭️ $38呢款熱狗主要係豬肉元素，有紐倫堡腸、煙肉同芝士、菠蘿等餡料，加上千島醬味道酸甜開胃。題外話，原來佢個熱狗包係本地自家廠房生產，以日式湯種製作，用純天然紐西蘭牛油同日清麵粉，鍾意DIY可以單買佢個包($8)返屋企自己整其他嘢食。黑松露醬大薯條 $30大薯條炸得好爽脆，偏硬身程度的薯條而份量都多，黑松露醬味道濃郁，黑松露薯條好食真係無得輸。菊9汽 飲普通汽水飲到悶，可以試呢款有汽的銀菊露飲品夠曬特別，跟套餐價錢額外加$8換購，淡淡金銀花同菊花味道，非常解渴又下火。香脆雞塊 $20共9件厚度适中的雞塊，炸得皮脆肉質嫩口，跟的燒烤醬味道不過不失。