全球美食 (已結業)

第1次寫食評，希望大家俾啲意見︰來崇潔街除咗加太賀之外，仲有啲咩好食呢，我哋都諗咗一陣！見到呢間熱狗算係呢條街裏面最企理嗰間，咪走咗去試吓囉，原本都唔會話抱太大期望，因為始終熱狗呢啲對我來講係快餐來啫嘛，但係食過之後......得喎，原全唔係快餐貨仔喎，好有驚喜！除咗upload咗上來嗰2張相嘢食相，我哋其實總共食咗下面咁多嘢，都係咁好味︰白汁磨菇龍利意粉︰嗰汁真係好濃郁，的芝士好厚咁鋪咗係面，個龍利仲好肥美，唔知係唔係咁形容，總之我食落去就有咁嘅感覺。美式至尊Pizza︰9''當然無Pizza Hurt嗰啲咁大，但係淨係食佢嘅話，我諗2個人都够飽，佢個皮仲係好脆，面頭啲料真係好多，好好味呀！挪威三文魚意大利包︰第1次食意大利包，相當鬆軟，裏面啲料多到呢，一句︰食過翻尋味！香草焗羊架配蜜糖芥末醬︰連我呢個唔食羊嘅都纖滅咗2入，唔使講都知係咩事啦！美式皇牌熱狗︰除咗條珍寶法蘭腸，上面仲有好多煙肉同埋磨菇碎，好滿足！下次睇下仲有冇機會過來呢頭，一定返來再食過！