德國熱狗 (已結業)

難得名店德國熱狗進駐南區，當然要試一試！老實講，實在好少食熱狗，面對住十幾款熱狗實在有啲不知所措。 唯有上openrice睇下人地d推介。叫左兩款熱狗。香葱豬柳腸腸身香脆可口，伴以爽甜的洋葱沙律，麵包微微煎過，口感微脆帶暖果然是店內最受歡迎熱狗之一。薯餅有大顆的粒狀的薯仔肉，感覺真材實料！匈牙利辣味腸辣辣地幾惹味，粗薯條好復古，好正！薯蓉 聽講係好受歡迎的名物，係用真正薯仔加牛油整的，食到有薯仔顆粒，薯蓉可選擇一款配料：墨西哥肉醬﹑忌廉粟米﹑車打芝士﹑茄汁豆﹑德國腸仔。我選擇了墨西哥肉醬，超足料，令我諗起細個返學最期待嘅陽光午餐薯蓉餐!