Moontone (已結業)

連放4日復活節假期，好想去小島又驚逼餐死。同fd黎呢間moontone就啱曬，當去左長洲😂自從長洲開左長洲角酪，就成為我每次去長洲既必食item🍧一早online book左位，準時去到未full house，walkin客人唔洗等位。所以話去打卡cafe千祈唔好一開業就衝過去，熱潮過左先去會舒服好多☺️聽講以前好難坐到塌塌米，今日去仲有2張冇人坐。真係純粹打卡靚少少，又要除鞋，張枱又矮認真唔方便😢環境幾靚，中間一棵大樹🌲可惜又踩中我既底線，衞生不太好☹️所以冇俾笑哈哈。餐具自助，我拎既時候有個姨姨啱啱拎d新既刀叉出黎refill。已經揀佢洗完再抹完既刀，攞到返自己位先發現另一面有好大舊漬🙄再出去拎過，點知另一個客人都係相同情況。希望清潔方面改善下☹️All day breakfast $118 大份幾抵食，有大啡菇，半個蕃茄，煙肉，一塊煙三文魚，兩條腸仔，炒蛋，多士，硬既薯巢同萬惡既茄汁豆。賣相唔錯，2個女仔share都幾飽。角酪卷蛋💙藍色好靚，味道正常。