影片
更多
2019-09-29
409 浏览
餐廳：熱菇喲 (中環)地址：中環蘇豪士丹頓街21號地舖9月岩岩開張嘅熱菇喲係一間日式居酒屋餐廳，主打唔同清酒同串燒、燒物，岩哂一大班朋友黎吹水食野飲返兩杯，香港人咁大壓力，緊係需要搵返個避難所透一透啦一入到門口就見到香港本地創作「勁揪體」嘅提字同畫，菇菇作為熱菇喲嘅吉祥物，當然唔可以唔出現係呢幅作品上面啦，除左有居酒屋嘅食物名稱之外，中間仲有隻菇菇飲緊清酒，好有意境呀學日本人去居酒屋嘅做法，一入到餐廳第一時間緊係要叫返杯黑啤黎飲，而飲得黑啤又點可以唔叫啲伴酒小食，呢杯細嘅日本三得利黑啤($48)入口唔苦，啖啖麥芽同回甘香非常香醇，配埋雞泡魚乾($88)就真係夠哂寫意，呢到嘅雞泡魚乾唔係脆炸香口果隻，反而係有啲似魷魚絲嘅質感，煙韌惹味熱菇喲最熱賣嘅食物之一係比目魚西京燒($178)，因為大廚曾經係米芝連餐廳做過，知道鱈魚有唔少嘅蟲，好難去整走，所以改用左類似嘅比目魚，為求避免將蟲蟲送到食客口中，比目魚亦都係比鱈魚少油，配上甜甜嘅醬汁，真係食唔停口玉子燒($72)同半殻蠔($72/2件)係我比較鍾意食嘅，製作呢個玉子燒嘅火候掌握得非常好，由外至內蛋嘅質感都係一樣，岩岩好熟透，滑溜得黎蛋香突
地址：中環蘇豪士丹頓街21號地舖
9月岩岩開張嘅熱菇喲係一間日式居酒屋餐廳，主打唔同清酒同串燒、燒物，岩哂一大班朋友黎吹水食野飲返兩杯，香港人咁大壓力，緊係需要搵返個避難所透一透啦
一入到門口就見到香港本地創作「勁揪體」嘅提字同畫，菇菇作為熱菇喲嘅吉祥物，當然唔可以唔出現係呢幅作品上面啦，除左有居酒屋嘅食物名稱之外，中間仲有隻菇菇飲緊清酒，好有意境呀
學日本人去居酒屋嘅做法，一入到餐廳第一時間緊係要叫返杯黑啤黎飲，而飲得黑啤又點可以唔叫啲伴酒小食，呢杯細嘅日本三得利黑啤($48)入口唔苦，啖啖麥芽同回甘香非常香醇，配埋雞泡魚乾($88)就真係夠哂寫意，
呢到嘅雞泡魚乾唔係脆炸香口果隻，反而係有啲似魷魚絲嘅質感，煙韌惹味
熱菇喲最熱賣嘅食物之一係比目魚西京燒($178)，因為大廚曾經係米芝連餐廳做過，知道鱈魚有唔少嘅蟲，好難去整走，所以改用左類似嘅比目魚，為求避免將蟲蟲送到食客口中，比目魚亦都係比鱈魚少油，配上甜甜嘅醬汁，真係食唔停口
玉子燒($72)同半殻蠔($72/2件)係我比較鍾意食嘅，製作呢個玉子燒嘅火候掌握得非常好，由外至內蛋嘅質感都係一樣，岩岩好熟透，滑溜得黎蛋香突出，難怪連日本人都鍾意食；居清屋專登揀半殻蠔嘅原因係可以保留燒蠔過程中流出黎嘅汁液，唔會流失，食起上黎更原汁原味，加上自家製醬汁更能帶出蠔嘅鮮香
燒物方面仲點左牛舌($48)、無激素雞翼($42)、冬菇($38)、秋葵($32)。牛舌韌度剛好，每咬一啖牛舌肉汁就走出黎，一定要試。居酒屋亦揀上無激素嘅雞翼，真係令客人食得好安心，畢竟出面好多雞翼都係打左激素去令雞翼更豐厚好味，良心小店果然唔話得
最後點左個熱嘅稻庭烏冬($68)，稻庭烏冬出名較彈牙幼細，用嘅碗亦好好咁將熱力鎖緊係烏冬濃湯入面，即使放左一陣再食都仲係暖笠笠，今餐真係好滿足，職員仲好nice好好笑容，有機會一定會再黎食過
张贴
