印度咖喱閣 (已結業)

路過渡船角，見差唔多晚餐時間有間印度餐廳，心郁郁走咗去睇個餐牌，老闆已經熱情咁走出嚟招呼😂入到去舖頭比較細，廚房入面見得一個人，似係老闆個老婆，應該係家族式細細哋經營嘅餐廳。老闆嚟咗廿幾年，廣東話都有番咁上下功架，推介咗個蒜蓉薄餅，我哋再叫多個羊肉咖哩同菠菜咖哩雞，一辣一唔辣，再加一個白飯，埋單150幾嘢食一個字：正！😋咖喱夠香，肉唔會話太靱太老，辣度適中，唔會話辣得過頭搶哂其他味道，菠菜咖哩啱哂食蒜嘅人，入口嗰一刻蒜味濃郁，單食佢應該可以送三碗白飯，係份量可能對大食嘅人差咁啲🤤最後一讚一定係俾老闆，熱情嘅招呼令自己以為去咗個印度朋友屋企食飯！